ଝାରସୁଗୁଡା: ରାଜ୍ୟରେ ଏବେ କରୋନା ଆକ୍ରାନ୍ତଙ୍କ ସଂଖ୍ୟା କମିଛି। ହେଲେ ଏବେ ବି ମୃତ୍ୟୁ ଜାରି ରହିଛି। ରବିବାର ରିପୋର୍ଟ ଅନୁଯାୟୀ ନିକଟରେ ଦୁଇ ଜଣ କରୋନାରେ ପ୍ରାଣ ହରାଇଛନ୍ତି। ଜଣେ ମୟୂରଭଞ୍ଜର ହୋଇଥିବା ବେଳେ ଅନ୍ୟ ଜଣେ ପୁରୀ ଜିଲ୍ଲାର। ଏହାରି ଭିତରେ ଝାରସୁଗୁଡା ଏବଂ ମାଲକାନଗିରି ଜିଲ୍ଲାକୁ କରୋନା ମୁକ୍ତ ଜିଲ୍ଲା ଭାବେ ଘୋଷଣା କରାଯାଇଛି।
ରାଜ୍ୟରେ ଏବେ କରୋନା ଆକ୍ରାନ୍ତଙ୍କ ସଂଖ୍ୟା କମିବାରେ ଲାଗିଛି। ଗତ 24 ଘଣ୍ଟାରେ 91 ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସୋମବାର 67 ଏବଂ ରବିବାର 131 ଜଣ ଆକ୍ରାନ୍ତ ଚିହ୍ନଟ ହୋଇଥିଲେ। ସୂଚନା ଓ ଲୋକ ସମ୍ପର୍କ ବିଭାଗର ରିପୋର୍ଟ ଅନୁଯାୟୀ, 54 ଜଣ ଆକ୍ରାନ୍ତ କ୍ୱାରେଣ୍ଟାଇନରୁ ଏବଂ 37 ଜଣ ସ୍ଥାନୀୟ ସଂକ୍ରମଣରୁ ଚିହ୍ନଟ ହୋଇଛନ୍ତି। 8 ଆକ୍ରାନ୍ତ 0-18 ବୟସ ଶ୍ରେଣୀର। ଏବେ ରାଜ୍ୟରେ 1,044 ଆକ୍ରାନ୍ତ ରହିଛନ୍ତି। ଚତୁର୍ଥ ଲହରରେ ଏଯାବତ 55 ଜଣ କରୋନାରେ ପ୍ରାଣ ହରାଇଥିବା ସୂଚନା ରହିଛି।
