ନୂଆଦିଲ୍ଲୀ: ଭାରତୀୟ ଟେଲିକମ୍ ବଜାରରେ ପୁଣିଥରେ ସ୍ଥିତି ଜାହିର କରିବାକୁ ବିଏସ୍ଏନ୍ଏଲ୍ ପକ୍ଷରୁ ପ୍ରୟାସ ଆରମ୍ଭ ହୋଇଛି। ଏଥିପାଇଁ କମ୍ପାନୀ ଅନେକ ରିଚାର୍ଜ ପ୍ଲାନ ଆଣିଛି ଯାହା ଶସ୍ତା ହେବା ସହ ଆଶାଠାରୁ ଅଧିକ ଡାଟା ଏବଂ ମାଗଣା କଲିଂର ସୁବିଧା ଦେଉଛି। ତେଣୁ କମ୍ପାନୀର ବ୍ୟବହାରକାରୀଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇଛି। ଅଧିକରୁ ଅଧିକ ୟୁଜର୍ସଙ୍କୁ ନିଜ ସହ ଯୋଡିବା ପାଇଁ କମ୍ପାନୀ ଏବେ ବି ଶସ୍ତା ପ୍ରିପେଡ ପ୍ଲାନରେ ଆଶାଠାରୁ ଅଧିକ ଡାଟା, ଫ୍ରି କଲିଂ ଏବଂ ଲଙ୍ଗ ଟର୍ମ ଲିମିଟ ଦେଉଛି।
ବିଏସ୍ଏନ୍ଏଲର 106 ଟଙ୍କାର ରିଚାର୍ଜା ପ୍ୟାକ । ଏହି ପ୍ୟାକର ବୈଧତା 84 ଦିନ ରହିଛି। ଏହାର ଅର୍ଥ ହେଉଛି ଆପଣଙ୍କୁ ତିନି ମାସ ପର୍ଯ୍ୟନ୍ତ ରିଚାର୍ଜ କରିବାର ଆବଶ୍ୟକତା ନାହିଁ। ଏଥିରେ ମୋଟ 3ଜିବି ଡାଟା ମିଳିବ। ଏହା ସହିତ ଅନଲିମିଟେଡ୍ କଲିଂର ସୁବିଧା ମଧ୍ୟ ମିଳିବ। ଏହି ପ୍ଲାନରେ ବିଏସ୍ଏନ୍ଏଲ୍ ଟ୍ୟୁନ୍ସର ମାଗଣା ସବସ୍କ୍ରିପସନ୍ ଏବଂ 60 ଦିନର ବୈଧତା ମଧ୍ୟ ରହିଛି। କିନ୍ତୁ ଏହି ପ୍ଲାନରେ ଏସଏମଏସର ସୁବିଧା ମିଳୁନାହିଁ।
2021 ଡିସେମ୍ବରରେ ବିଏସ୍ଏନ୍ଏଲ୍ ଏହାର ଶସ୍ତା ପ୍ରିପେଡ୍ ପ୍ଲାନ୍ ଆଧାରରେ 10 ଲକ୍ଷରୁ ଅଧିକ ନୂଆ ୟୁଜର୍ସ ଯୋଡ଼ିଥିଲା। ଜିଓ 12.9 ମିଲିୟନ ୟୁଜର୍ସ ହରାଇଥିବା ବେଳେ ଭୋଡାଫୋନ ଆଇଡିଆ 1.9 ମିଲିୟନ ୟୁଜର୍ସ ହରାଇଛି।
ବିଏସଏନଏଲକୁ ଟକ୍କର ଦେବାକୁ ଏୟାରଟେଲ ଏବଂ ଜିଓର ରିଚାର୍ଜ ପ୍ୟାକ
ଜିଓର 149 ଟଙ୍କିଆ ପ୍ଲାନର ବୈଧତା 28 ଦିନ। ଏଥିରେ ୟୁଜର୍ସଙ୍କୁ ପ୍ରତିଦିନ 1.5 ଜିବି ଡାଟା ଓ 100 ଏସଏମଏସର ସୁବିଧା ମିଳିବ। ଗ୍ରାହକ ଯେକୌଣସି ନେଟଓ୍ବାର୍କକୁ ଅସୀମିତ କଲ୍ କରିପାରିବେ। ଏହି ପ୍ଲାନରେ ଜିଓ ଆପ୍ସର ମାଗଣା ସବସ୍କ୍ରିପସନ ମଧ୍ୟ ମିଳିବ।
ଏୟାରଟେଲର 155 ଟଙ୍କିଆ ପ୍ଲାନର ବୈଧତା 28 ଦିନ। ଏଥିରେ ପ୍ରତିଦିନ 100ଟି ଏସ୍ଏମ୍ଏସ୍ ଏବଂ ମୋଟ 1ଜିବି ଡାଟା ମିଳିବ। ଏଥିରେ ୟୁଜର୍ସ ଯେକୌଣସି ନେଟଓ୍ବାର୍କକୁ ଅନଲିମିଟେଡ୍ କଲ କରିପାରିବେ। ଏହି ପ୍ଲାନରେ ଓ୍ବିଙ୍କ୍ ମ୍ୟୁଜିକ୍, ଆମାଜନ୍ ପ୍ରାଇମ୍ ଏବଂ ହେଲୋ ଟ୍ୟୁନ୍ସର ମାଗଣା ସବସ୍କ୍ରିପସନ୍ ମିଳିବ।
