ଭୁବନେଶ୍ୱର: ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କୁ ହତ୍ୟା ଘଟଣାରେ କ୍ରାଇମବ୍ରାଞ୍ଚ ତଦନ୍ତର ତଦାରଖ କରିବେ ଜଷ୍ଟିସ ଜେ. ପି. ଦାସ। ଜଷ୍ଟିସ ଦାସ ହେଉଛନ୍ତି ଓଡ଼ିଶା ହାଇକୋର୍ଟର ଅବସରପ୍ରାପ୍ତ ବିଚାରପତି। ନିକଟରେ ରାଜ୍ୟ ସରକାର ହାଇକୋର୍ଟ ରେଜିଷ୍ଟାରଙ୍କୁ ଚିଠି ଲେଖି ଜଣେ ବିଚାରପତି ଅବା ଅବସରପ୍ରାପ୍ତ ବିଚାରପତି (ହାଇକୋର୍ଟ ବା ଜିଲ୍ଲା କୋର୍ଟ)ଙ୍କୁ ଏହି ଘଟଣାର ତଦରାଖ କରିବାକୁ ସୁପାରିଶ କରିଥିଲେ।
ମନ୍ତ୍ରୀଙ୍କୁ ହୋଇଥିବା ହତ୍ୟାକାଣ୍ଡରେ ଜଣେ ପୋଲିସ କର୍ମଚାରୀ ମୁଖ୍ୟ ଅଭିଯୁକ୍ତ ରହିଛନ୍ତି। ତେଣୁ ତଦନ୍ତରେ ସ୍ୱଚ୍ଛତା ରକ୍ଷା କରିବା ପାଇଁ ସରକାର ଏପରି କୋର୍ଟଙ୍କୁ ଚିଠି ଲେଖି ଜଣେ ବିଚାରପତି କିମ୍ବା ଅବସରପ୍ରାପ୍ତ ବିଚାରପତିଙ୍କୁ ଏହି ଘଟଣାର ତଦରାଖ କରିବାକୁ ନିଯୁକ୍ତ କରିବାକୁ ନିବେଦନ କରିଥିଲେ। ଏହାପରେ ସୁପାରିଶ ଆଧାରରେ ଜଷ୍ଟିସ ଜେ. ପି. ଦାସଙ୍କୁ ନିଯୁକ୍ତି ମିଳିଛି।
