ବଡ଼ମାଲ: ମଦ ପିଇ ଗାଡି ଚଳାଉଥିଲେ ହୋଇଯାନ୍ତୁ ସାବଧାନ! ମଦ ପିଇ ଗାଡି ଚଳାଇବା ବେଆଇନ ତେଣୁ ଏହି ଆଇନକୁ କଡାକଡି କରିବାକୁ ଯାଇ ବଡ଼ମାଲ ପୁଲିସ ଓ ପରିବହନ ବିଭାଗ ରାତି ହେଲେ ରାସ୍ତା ଘାଟରେ ଅତର୍କିତ ଚେକିଂ କରୁଛନ୍ତି l ଗତକାଲି ପୁଲିସ ତିନି ଡ୍ରାଇଭରଙ୍କୁ ମଦ ପିଇ ଗାଡ଼ି ଚଳାଉଥିବା ନେଇ ଚେକିଂ କରିବାବେଳେ ଧରିଛି l ଏହାପରେ ଗିରଫ କରି ସମସ୍ତଙ୍କୁ କୋର୍ଟ ଚାଲାଣ କରିଛି ପୁଲିସ l
ମିଳିଥିବା ସୂଚନା ଅନୁଯାୟୀ ୩ ଜଣ ଡ୍ରାଇଭର ଧରାପଡ଼ିଛନ୍ତି। ସେମାନଙ୍କ ମଧ୍ୟରେ ଜଣେ ପିକଅପ, ଜଣେ ଟ୍ରାକ୍ଟର ଓ ଜଣେ ଟ୍ରକ୍ ଡ୍ରାଇଭର ବୋଲି ଜଣା ପଡ଼ିଛି l ଏଥିସହ ଅନେକ ହେଲମେଟ ନପିନ୍ଧି ଗାଡ଼ି ଚଳାଉଥିବାରୁ ପରିବହନ ବିଭାଗ ସେମାନଙ୍କର ଚାଲାଣ କାଟିଛି l
ଜିଲ୍ଲା ପୁଲିସର ସୂଚନା ଅନୁଯାୟୀ ପ୍ରତିଦିନ ଚେକିଂ ପରେ ଲକ୍ଷ ଲକ୍ଷ ଟଙ୍କାର ଚାଲାଣ କଟା ଯାଉଛି l ମଦ ପିଇ ଗାଡ଼ି ଚଳାଉଥିବା ବ୍ୟକ୍ତିଙ୍କ ଲାଇସେନ୍ସ ବାତିଲ ପାଇଁ ପରିବହନ ବିଭାଗକୁ ଚିଠି ଲେଖାଯିବ ବୋଲି ପୁଲିସ ସୂତ୍ରରୁ ଜଣା ପଡିଛି l
