ରାଜ୍ୟରେ ଟିକାକରଣ ପ୍ରକ୍ରିୟା ଜାରି ରହିବ

ଭୁବନେଶ୍ୱର: ମାଗଣା ବୁଷ୍ଟର ଡୋଜ ପ୍ରକ୍ରିୟା ଜାରି ରହିବ।  ଓଡିଶାର ଯେଉଁସବୁ ସରକାରୀ ସ୍ୱାସ୍ଥ୍ୟସେବାରେ କୋଭିଡ ଟିକା ଦିଆଯାଉଥିଲା ସେହିଠାରେ ବୁଷ୍ଟର ଡୋଜ ମାଗଣାରେ ଦିଆଯିବ। ସ୍ୱାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ଶନିବାର ଏହା କହିଛନ୍ତି।

‘ଆଜାଦି କା ଅମୃତ ମହୋତ୍ସବ’ର ଏକ ଅଂଶ ଭାବରେ ଜୁଲାଇ 15 ରୁ ସେପ୍ଟେମ୍ବର 30 ପର୍ଯ୍ୟନ୍ତ 75 ଦିନ ଟିକାକରଣ ଡ୍ରାଇଭ୍ କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଥିଲେ। ଏହି ସମୟ ମଧ୍ୟରେ ରାଜ୍ୟରେ ପ୍ରାୟ 1.21 କୋଟି ସତର୍କତା ଡୋଜ ଦିଆଯାଇଥିଲା ବୋଲି ପାଣିଗ୍ରାହୀ କହିଛନ୍ତି।

ତେବେ ଟିକାକରଣ ଡ୍ରାଇଭକୁ ବନ୍ଦ କରିବା ପାଇଁ କେନ୍ଦ୍ର ପକ୍ଷରୁ କୌଣସି ନିର୍ଦ୍ଦେଶନାମା ଜାରି କରାଯାଇ ନାହିଁ । ତେଣୁ ଯେପର୍ଯ୍ୟନ୍ତ ଟିକା ମହଜୁଦ ରହିଛି ରାଜ୍ୟରେ ବୁଷ୍ଟର ଜାରି ଦିଆଯିବ ବୋଲି ସ୍ବାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେକ ବିଜୟ ପାଣିଗ୍ରାହୀ କହିଛନ୍ତି। ସାରା ରାଜ୍ୟରେ 1150 ଟିକା କେନ୍ଦ୍ରରେ ଏବେ ଟିକାକରଣ ପ୍ରକ୍ରିୟା ଚାଲିଛି।