ଜିଲ୍ଲାରେ ବ୍ୟାପିଛି ଧଳା ଜହର କାରବାର, ତିନି ଅଭିଯୁକ୍ତ ଗିରଫ

ଝାରସୁଗୁଡା: ଝାରସୁଗୁଡା ଏୟାରପୋର୍ଟ ଛକରୁ ଟାଉନ ଥାନା ପୋଲିସ ପ୍ରାୟ 16.940 ଗ୍ରାମର ବ୍ରାଉନ ସୁଗର ଜବତ କରିଛି। ଏହି ଘଟଣାରେ 3 ଜଣ ଯୁବକଙ୍କୁ ପୋଲିସ ଗିରଫ କରିଛି । ଗିରଫ ଅଭିଯୁକ୍ତ ମଙ୍ଗଳ ବଜାର ଅଂଚଳର। ଏହି ତିନି ଅଭିଯୁକ୍ତ ହେଲେ ଜିତେଶ କୁମ୍ଭାର, ଏମଡି ମୁମତାଜ ଓ ଇରସାଦ ଖାନ ବୋଲି ପୋଲିସ ସୂଚନା ଦେଇଛି। ଅଭିଯୁକ୍ତଙ୍କର ମେଡିକାଲ ପରୀକ୍ଷା ହେବା ପରେ କୋର୍ଟ ଚାଲାଣ କରାଯାଇଥିଲା।

ଅଭିଯୁକ୍ତଙ୍କଠାରୁ 2ଟି କେଟିଏମ୍ ବାଇକ, 13 ହଜାର 90 ଟଙ୍କା, ଗୋଟିଏ ମୋବାଇଲ ଜବତ କରିଛି। ଏହି ବ୍ରାଉନ ସୁଗାର କଲିକତା, ରାଞ୍ଚିରୁ ଆସୁଥିଲା । ପରେ ଝାରସୁଗୁଡାର ବିଭିନ୍ନ ସ୍ଥାନରେ ବିକ୍ରି ହେଉଥିବା ସୂଚନା ରହିଛି । ମଙ୍ଗଳବାର ଅପରାହ୍ନରେ ରାଉରକେଲାରୁ ଏହି ବ୍ରାଉନସୁଗାର ଆସୁଥିବା ନେଇ ପୋଲିସକୁ ବିଶ୍ୱସ୍ତ ସୂତ୍ରରୁ ସୂଚନା ମିଳିଥିଲା । ଏହାପରେ ବିଭିନ୍ନ ସ୍ଥାନରେ ପୋଲିସ କଡା ଚେକିଂ କରିବା ସହିତ ଅଭିଯୁକ୍ତମାନଙ୍କୁ ଏୟାରପୋର୍ଟ ଛକରୁ ଗିରଫ କରିଥିଲା।