ତୃତୀୟ ଲହରରେ ଛୋଟ ଛୁଆ ସଂକ୍ରମିତ ହେବାର କୌଣସି ତଥ୍ୟ ନାହିଁ: ଗୁଲେରିଆ

0
290

ନୂଆଦିଲ୍ଲୀ: କୋଭିଡ ମହାମାରୀର ତୃତୀୟ ଲହରରେ ପିଲାମାନେ ଗୁରୁତର ହେବେ। ପିଲାମାନେ ଗୁରୁତର ଭାବରେ ସଂକ୍ରମିତ ହେବେ ବୋଲି ସେଭଳି କୌଣସି ତଥ୍ୟ ନାହିଁ। ଆଜି ଦିଲ୍ଲୀରେ କୋଭିଡ ସଂପର୍କରେ ଗଣମାଧ୍ୟମକୁ ବିବୃତି ଦେବା ଅବସରରେ ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (ଏମ୍ସ) ଦିଲ୍ଲୀର ନିର୍ଦ୍ଦେଶକ ଡ. ରଣଦୀପ ଗୁଲେରିଆ ଏହି ସୂଚନା ଦେଇଛନ୍ତି।

ଡକ୍ଟର ଗୁଲେରିଆ ଦର୍ଶାଇଛନ୍ତି ଯେ, ଭାରତରେ ଦ୍ୱିତୀୟ ତରଙ୍ଗ ସମୟରେ ଯେଉଁ ପିଲା ସଂକ୍ରମିତ ହୋଇଥିଲେ ଏବଂ ଡାକ୍ତରଖାନାରେ ଭର୍ତ୍ତି ହୋଇଥିଲେ, ସେମାନଙ୍କ ମଧ୍ୟରୁ 60 % ରୁ 70 % ସାଂଘାତିକ ରୋଗୀ ଥିଲେ ଅବା ତାଙ୍କଠାରେ ରୋଗ ପ୍ରତିରୋଧକ ଶକ୍ତି କମ୍ ଥିଲା; ସୁସ୍ଥ ପିଲାମାନେ ସାମାନ୍ୟ ଅସୁସ୍ଥ ହେଲେ ଡାକ୍ତରଖାନାରେ ଭର୍ତ୍ତି କରିବାର ଆବଶ୍ୟକତା ନାହିଁ । ସେମାନେ ଘରେ ଔଷଧ ଖାଇ ଆରୋଗ୍ୟ ହେଉଛନ୍ତି।

ଡକ୍ଟର ଗୁଲେରିଆ ସତର୍କ କରାଇ ଦେଇ କହିଛନ୍ତି, “ଯେତେବେଳେ ମାମଲା ସଂଖ୍ୟା ବୃଦ୍ଧି ପାଇଥାଏ, ଲୋକଙ୍କ ଭିତରେ ଭୟ ଥାଏ ଏବଂ ମାନବୀୟ ଆଚରଣରେ ପରିବର୍ତ୍ତନ ଆସିଥାଏ। ଯଦି ଲୋକମାନେ କଡାକଡି ଭାବେ କୋଭିଡ ନିୟମ ଅନୁସରଣ କରନ୍ତି, ଉପଯୁକ୍ତ ଆଚରଣ ପ୍ରଦର୍ଶନ କରନ୍ତି ଏବଂ ଅଣ ଫାର୍ମାସ୍ୟୁଟିକାଲ୍ ହସ୍ତକ୍ଷେପ ଦ୍ୱାରା ସଂକ୍ରମଣର ଶୃଙ୍ଖଳା ଭାଙ୍ଗିବାରେ ସାହାଯ୍ୟ କରେ। କିନ୍ତୁ ଯେତେବେଳେ ପୁନଃ ଅନଲକ୍ ଆରମ୍ଭ ହୁଏ, ଲୋକମାନେ ଭାବନ୍ତି ଯେ ଅଧିକ ସଂକ୍ରମଣ ହେବ ନାହିଁ ଏବଂ କୋଭିଡ ଉପଯୁକ୍ତ ଆଚରଣ ଅନୁସରଣ କରନ୍ତି ନାହିଁ । ଏହି କାରଣରୁ, ଭୂତାଣୁ ପୁନର୍ବାର ସମୁଦାୟରେ ବ୍ୟାପିବା ଆରମ୍ଭ କରି ଅନ୍ୟ ଏକ ଲହରର ରୂପ ନେଇଯାଏ। ”

ଏମ୍ସ ନିର୍ଦ୍ଦେଶକ କହିଛନ୍ତି ଯେ ଯଦି ଆମକୁ ପରବର୍ତ୍ତୀ ଲହର ବନ୍ଦ କରିବାକୁ ପଡିବ, ତେବେ ଆମକୁ ଆକ୍ରମଣାତ୍ମକ ଭାବରେ କୋଭିଡ ଉପଯୁକ୍ତ ଆଚରଣ ଅନୁସରଣ କରିବା ଆବଶ୍ୟକ, ଯେପର୍ଯ୍ୟନ୍ତ ଆମ ଜନସଂଖ୍ୟାର ବହୁ ସଂଖ୍ୟକ ଲୋକଙ୍କୁ ଟିକାକରଣ କରା ନଯାଇଛି କିମ୍ବା ପ୍ରାକୃତିକ ପ୍ରତିରୋଧକ ଶକ୍ତି ହାସଲ ନହୋଇଛି ସେ ପର୍ଯ୍ୟନ୍ତ ସତର୍କ ରହିବାକୁ ପଡିବ।

“ଯେତେବେଳେ ପର୍ୟ୍ୟାପ୍ତ ଲୋକଙ୍କୁ ଟୀକାକରଣ କରାଯାଏ କିମ୍ବା ଯେତେବେଳେ ଆମେ ସଂକ୍ରମଣ ବିରୁଦ୍ଧରେ ପ୍ରାକୃତିକ ପ୍ରତିରୋଧ ଶକ୍ତି ହାସଲ କରିବୁ, ସେତେବେଳେ ଏହି ତରଙ୍ଗ ବନ୍ଦ ହୋଇଯିବ। ଏହାର ଏକମାତ୍ର ଉପାୟ ହେଉଛି କୋଭିଡ ଉପଯୁକ୍ତ ଆଚରଣକୁ କଡାକଡି ଭାବେ ଅନୁସରଣ କରିବା।”