କଟକ ପରେ ଝାରସୁଗୁଡା ଓ ବରଗଡରେ ନକଲି ଔଷଧ ଧରପଗଡ

ଝାରସୁଗୁଡା: କଟକଠୁ ବଳିଗଲା ପଶ୍ଚିମ ଓଡ଼ିଶାରେ ନକଲି ଔଷଧ କାରବାର। ଝାରସୁଗୁଡ଼ା ଓ ବରଗଡ଼ ଜିଲ୍ଲାର ଦୁଇଟି ସଂସ୍ଥାରୁ ୧.୭୦ ଲକ୍ଷ ଟଙ୍କାର ଔଷଧ ଜବତ ହୋଇଛି। ଔଷଧ ଖୋଳରେ ଯେଉଁ କମ୍ପାନୀ ଏହି ଔଷଧ ପ୍ରସ୍ତୁତ କରୁଥିବା କଥା ଉଲ୍ଲେଖ ରହିଛି ତାହା ନକଲି। ଅର୍ଥାତ୍ ସେହି କମ୍ପାନୀ ଜବତ ହୋଇଥିବା ଔଷଧ ତିଆରି କରୁ ନାହାନ୍ତି।

ସରକାରୀ ସୂତ୍ରରୁ ମଙ୍ଗଳବାର ମିଳିଥିବା ସୂଚନା ଅନୁୟାୟୀ, ଝାରସୁଗୁଡ଼ାର ଅମିତ ମେଡିକାଲ୍ ଏଜେନ୍ସି ଏବଂ ବରଗଡ଼ର ବିକାଶ ଆଣ୍ଡ୍ କୋ ଠାରୁ ଏହି ନକଲି ଔଷଧ ଜବତ କରାଯାଇଛି। ଉତ୍ତର ପ୍ରଦେଶର ବାରଣାସୀରେ ଥିବା ତିନିଟି ସଂସ୍ଥାରୁ ଏହି ଡ୍ରଗ୍ସ ଯୋଗାଣ ହେଉଥିବା ଏନଫୋର୍ସମେଣ୍ଟ ଅଧିକାରୀମାନେ ସୂଚନା ଦେଇଛନ୍ତି।

ଉତ୍ତର ପ୍ରଦେଶ ସରକାରଙ୍କ ଦ୍ୱାରା ପ୍ରଦାନ କରାଯାଇଥିବା ଏହି ୟୁନିଟ ଗୁଡିକର ପରିଚୟ ପତ୍ର ସୁନିଶ୍ଚିତ କରିଛି ଯେ ସେମାନଙ୍କର ଔଷଧ ଲାଇସେନ୍ସ ରଦ୍ଦ କରାଯାଇଛି। ଅଧିକ ତଦନ୍ତ ଜାରି ରହିଥିବା ବେଳେ ନକଲି ଔଷଧ ବିକ୍ରି କରୁଥିବା ସଂସ୍ଥା ବିରୋଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଶ୍ୱସ୍ତ ସୂତ୍ରରୁ ଜଣାପଡ଼ିଛି।

ଡ୍ରଗ୍ସ ରୁଲ, ଭେଲିଡ଼ ଡିଏଲ, ଭେଲିଡ଼ ଜିଏସଟି ନମ୍ବର ଥିବା କମ୍ପାନୀ ଠାରୁ କିମ୍ୱା ମିଡିଏଟରଙ୍କ ଜରିଆରେ ମେଡିସିନ କିଣିବା ପାଇଁ ନିୟମ ରହିଛି ଝ ଏହିସବୁ ନିୟମ ଅନୁଯାୟୀ ୟୁପି ବନାରସର ଏକ ପାର୍ଟିଠୁ ଔଷଧ କିଣିଥିବା ଅମିତ ଏଜେନ୍ସିର ମାଲିକ କହିଛନ୍ତି ତେବେ ଔଷଧର କ୍ୱାଲିଟି ଯାଞ୍ଚ ପାଇଁ ତାଙ୍କ ପାଖରେ ବ୍ୟବସ୍ଥା ନାହିଁ ଏହି କାମ ସରକାରଙ୍କ ବୋଲି ସେ କହିଛନ୍ତି ଝ ଏହାସହ ସେ ୩-୪ ଲକ୍ଷ ଟଙ୍କାର ଔଷଧ କିଣି ଥିଲେଝ ଏବଂ ଯେଉଁ ଔଷଧ ସେ ବିଭିନ୍ନ ଡିଷ୍ଟ୍ରିବ୍ୟୁଟରଙ୍କୁ ଦେଇଥିଲେ ସେମାନଙ୍କୁ ଏନେଇ ଅବଗତ କରାଯାଇଛି ଏବଂ ଔଷଧ ବିକ୍ରି ଉପରେ ରୋକ ଲଗାଯାଇଥିବା ଅମିତ ମେଡିକାଲ ଏଜେନ୍ସିର ମାଲିକ ଅମିତ କୁମାର ସୌରାଗୀ କହିଛନ୍ତି ଝ ତେବେ ଯାଞ୍ଚ ପ୍ରକ୍ରିୟା ଶେଷ ହେବା ପରେ ଯାହା ନିଷ୍ପତି ଆସିବ ତାକୁ ଅପେକ୍ଷା କରିଥିବା ଅମିତ ସୌରାଗୀ କହିଛନ୍ତିଝ

ସୂଚନାଯୋଗ୍ୟ, ଗତ ନଭେମ୍ବର ୨୨ ତାରିଖରେ କଟକ ଜିଲ୍ଲା ପୁରୀଘାଟ ଥାନା ଅଧୀନରେ ଥିବା ଏମ୍ଏଚ୍ ଫାର୍ମାସ୍ୟୁଟିକାଲରୁ ୧୧ଟି ନକଲି ଔଷଧ ଜବତ ହୋଇଥିଲା।