ବ୍ରଜରାଜରାଜନଗର ଉପନିର୍ବାଚନ ପାଇଁ ଯୁକ୍ତ ୨ ପରୀକ୍ଷା ତାରିଖରେ ପରିବର୍ତ୍ତନ

ଭୁବନେଶ୍ୱର: ବ୍ରଜରାଜନଗର ଉପ ନିର୍ବାଚନକୁ ଦୃଷ୍ଟିରେ ରଖି ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚ୍ଏସ୍ଇ) ପକ୍ଷରୁ ପୂର୍ବରୁ ମେ’ ୩୧ରେ ହେବାକୁ ଥିବା ଯୁକ୍ତ à­¨ ପରୀକ୍ଷା ତାରିଖରେ ପରିବର୍ତ୍ତନ କରାଯାଇଛି। ଏହି ତାରିଖରେ କଳା ବିଭାଗର ଗଣିତ ଓ ଗୃହବିଜ୍ଞାନ, ବିଜ୍ଞାନର ଗଣିତ ପରୀକ୍ଷା ଘୁଞ୍ଚିଥିବା ସୂଚନା ରହିଛି।

ସିଏଚଏସଇର ବିଜ୍ଞପ୍ତି ଅନୁସାରେ, ମେ ୩୧ (ମଙ୍ଗଳବାର) ଦିନ ପରୀକ୍ଷା ହେବ ବୋଲି ଧାର୍ୟ୍ୟ ହୋଇଥିଲା । କିନ୍ତୁ ଏବେ ଏହି ପରୀକ୍ଷାକୁ ଘୁଞ୍ଚାଇ ଜୁନ୍ ୪ ତାରିଖ ପାଇଁ ପୁନଃ ନିର୍ଦ୍ଧାରଣ କରାଯାଇଛି । ସିଏଚଏସଇ ଦ୍ୱାରା ପରିଚାଳିତ ଏହି ପରୀକ୍ଷା ଏପ୍ରିଲ ୨୮ରୁ (ଥିଓରୀ) ଆରମ୍ଭ ହୋଇଛି। ଦୁଇ ବର୍ଷର ବ୍ୟବଧାନ ପରେ ଛାତ୍ରଛାତ୍ରୀ ଅଫ୍ଲାଇନରେ ପରୀକ୍ଷା ଦେଉଛନ୍ତି।

ପ୍ରତିଦିନ ସକାଳ ୯ଟାରୁ ଗୋଟିଏ ସିଟିଂରେ ପରୀକ୍ଷା ଆରମ୍ଭ ହେଉଛି। ପ୍ରଥମ ଦିନରେ କଳା ଓ କମର୍ସ ବିଭାଗର ଛାତ୍ରଛାତ୍ରୀମାନେ ଓଡ଼ିଆ ପେପର୍ ଲେଖିଥିଲେ।

କଳା, ବିଜ୍ଞାନ, ବାଣିଜ୍ୟ ଓ ଧନ୍ଦାମୂଳକ ବିଭାଗରେ ୩ ଲକ୍ଷ ୨୧ ହଜାର ୫୦୮ ଜଣ ଛାତ୍ରଛାତ୍ରୀ ଭିନ୍ନ ଭିନ୍ନ ସ୍ଥାନରେ ପରୀକ୍ଷା ଦେବେ ।
କଳା ବିଭାଗରେ ୨ ଲକ୍ଷ ୧୩ ହଜାର ୪୩୨ ଜଣ ପରୀକ୍ଷା ଦେଉଥିବା ବେଳେ ବିଜ୍ଞାନ ବିଭାଗରେ ୭୮ ହଜାର ୭୭ ଜଣ ପରୀକ୍ଷାର୍ଥୀ ରହିଛନ୍ତି।

ସେହିପରି ବାଣିଜ୍ୟ ବିଭାଗରେ ୨୪ ହଜାର ୧୩୬ ଜଣ ଓ ଧନ୍ଦାମୂଳକ ବିଭାଗରେ ୫ ହଜାର ୮୬୩ ଜଣ ଛାତ୍ରଛାତ୍ରୀ ପରୀକ୍ଷା ଦେବେ।
ପରୀକ୍ଷା ପାଇଁ ୧,୧୩୩ଟି ପରୀକ୍ଷା କେନ୍ଦ୍ର ଓ ୨୦୨ଟି ପରିଚାଳନା ହବ୍ କରାଯାଇଛି। ପରୀକ୍ଷା କେନ୍ଦ୍ରଗୁଡ଼ିକରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।