ଭୁବନେଶ୍ୱର: କିଶୋର ପଟେଲ ଝାରସୁଗୁଡା ବ୍ରଜରାଜନଗର ବିଧାନସଭା ଆସନ ପାଇଁ ବିଧାୟକ ପ୍ରାର୍ଥୀ । କଣ୍ଟାବାଞ୍ଝି ବିଧାୟକ ସନ୍ତୋଷ ସିଂହ ସାଲୁଜା ଏହି ସୂଚନା ଦେଇଛନ୍ତି । ବ୍ରଜରାଜନଗର ବିଧାନସଭା ଆସନରେ ଉପନିର୍ବାଚନ ପାଇଁ ମେ ୩୧ରେ ଭୋଟ୍ ପଡ଼ିବ ।
ପ୍ରାଥମିକ ସୂଚନା ଅନୁଯାୟୀ କିଶୋରଙ୍କ ବୋହୂ ଅନନ୍ୟା ଯଦି ବିଜେଡି ଟିକେଟ ନପାଇଲେ ତାହାଲେ କଂଗ୍ରେସର ବିଧାୟକ ପ୍ରାର୍ଥୀ ହେବେ ବୋଲି ସୂଚନା ରହିଥିଲା। ହେଲେ ଏବେ କିନ୍ତୁ କଂଗ୍ରେସ ବିଧାୟକ ସାଲୁଜା ଦଳର ବରିଷ୍ଠ ନେତା ପଟେଲଙ୍କୁ ବିଧାୟକ ପ୍ରାର୍ଥୀ ଭାବେ ଘୋଷଣା କରିଛନ୍ତି।
କିଶୋର ଚନ୍ଦ୍ର ପଟେଲ ଓଡ଼ିଶା ବିଧାନସଭାକୁ ବିଧାୟକ ଭାବରେ ତିନି ଥର ନିର୍ବାଚିତ ହୋଇଛନ୍ତି । ୧୯୭୭ ଓ ୧୯୭୭ ମସିହାରେ ହୋଇଥିବା ଓଡ଼ିଶା ବିଧାନସଭା ନିର୍ବାଚନରେ ସେ ସୁନ୍ଦରଗଡ଼ ବିଧାନସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ୭ମ, ୮ମ ଓଡ଼ିଶା ବିଧାନ ସଭା ଓ ୧୧ଶ ଓଡ଼ିଶା ବିଧାନସଭାକୁ ନିର୍ବାଚିତ ହୋଇଥିଲେ ।
