ଝାରସୁଗୁଡ଼ା: ବ୍ରଜରାଜନଗର ବିଧାନସଭା ଉପନିର୍ବାଚନ ପାଇଁ ବିଜେଡିରେ ଦୁଇ ଜଣ ପ୍ରମୁଖ ଦାବିଦାର ରହିଛନ୍ତି । ବିଜେପି ପୂର୍ବତନ ବିଧାୟିକା ରାଧାରାଣୀ ପଣ୍ଡାଙ୍କୁ ପ୍ରାରମ୍ଭିକ ଆଲୋଚନା ଅନୁଯାୟୀ ଟିକେଟ୍ ଦେବ ବୋଲି କୁହାଯାଇଥିଲା। କିନ୍ତୁ ନିର୍ବାଚନ ତାରିଖ ନେଇ ଘୋଷଣା ପରେ ଏଥିରେ ଟୁଇଷ୍ଟ ଆସିଛି। ଯାହାକି ରାଧାରାଣୀଙ୍କୁ ଏକ ପ୍ରକାର ଚେକ୍ ।
ଧାରାଣୀ ପଣ୍ଡା କହିଛନ୍ତି, ଦଳ ମୋତେ ପ୍ରସ୍ତୁତ ରହିବା ପାଇଁ କହିସାରିଛି । ମୁଁ ନିର୍ବାଚନ ମୈଦାନରେ ଦଳର ପ୍ରମୁଖ ନେତା କହି ସାରିଛନ୍ତି। ନାଁ ଘୋଷଣା ହୋଇଗଲେ ଲଢିବା ପାଇଁ ପ୍ରସ୍ତୁତ ହେବି ।
ଅନ୍ୟପଟେ ରାଧାରାଣୀଙ୍କ ସ୍ଥାନରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ପୂର୍ବତନ ରାଜ୍ୟ ସାଧାରଣ ସମ୍ପାଦକ ସୁଜିତ ସିଂହ ମଧ୍ୟ ଏବେ ଏହି ଆସନର ପ୍ରାର୍ଥୀ ହୋଇପାରନ୍ତି ବୋଲି ଚର୍ଚ୍ଚା ହେଉଛି। ସୁଜିତଙ୍କ ପଛରେ ପଶ୍ଚିମ ଓଡ଼ିଶାର ଜଣେ ସାଂସଦ ଏବଂ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଲବି କରୁଥିବା ଚର୍ଚ୍ଚା ହେଉଛି।
ତେବେ ଏହାକୁ ନେଇ ଚର୍ଚ୍ଚା ବଢିବା ପରେ ସୁଜିତ ଏକ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, ସେ ଦଳର ଜଣେ ସକ୍ରିୟ କର୍ମୀ । ଦଳ ଯାହାଙ୍କୁ ଟିକେଟ ଦେବ ସେ ଖୁସି । ତାଙ୍କ ପାଇଁ କେହି ଲବି କରୁନାହାନ୍ତି। ଦଳ କିଭଳି ବଜୟୀ ହେବ ତାହା ଆମ ସମସ୍ତଙ୍କର ଉଦ୍ଦେଶ୍ୟ ବୋଲି ସେ କହିଛନ୍ତି।
ଅନ୍ୟପଟେ ଆଜି ବ୍ରଜରାଜନଗରରେ ଏକ ବୈଠକ ବସୁଛି । ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ତତ୍ୱାବଧାନରେ ଏକ କମିଟି ଗଠନ ହୋଇଛି। ମିଳିଥିବା ସୂଚନା ଅନୁଯାୟୀ ଟିକେଟ ରେସରେ ସ୍ୱର୍ଗତ କିଶୋର ମହାନ୍ତିଙ୍କ ପତ୍ନୀ ଅଳକା ମହାନ୍ତି ଏହି ରେସରେ ସବୁଠାରୁ ଆଗରେ ରହିଛନ୍ତି। ତେବେ ମନ୍ତ୍ରୀ ନବ ଦାସଙ୍କ ଝିଅ ଦୀପାଲି ଦାସଙ୍କ ନାଁକୁ ନେଇ ମଧ୍ୟ ପୂର୍ବରୁ ଚର୍ଚ୍ଚା ରହିଛି ।
ସେପଟେ କଂଗ୍ରେସ ବରିଷ୍ଠ ନେତା କିଶୋର ପଟେଲଙ୍କୁ ମଇଦାନକୁ ଛାଡ଼ିପାରେ। କିନ୍ତୁ ଏନେଇ ଚୂଡ଼ାନ୍ତ ନିଷ୍ପତ୍ତି ହୋଇନାହିଁ ।
