ଝାରସୁଗୁଡା: ଆଜି ବିଜେପିର ପ୍ରତିଷ୍ଠା ଦିବସ । ରାଜ୍ୟ ବିଜେପି କାର୍ଯ୍ୟାଳୟ ସମେତ ବିଭିନ୍ନ ଜିଲ୍ଲାରେ ଦଳର ୪୨ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ରାଜ୍ୟ ବିଜେପି କାର୍ଯ୍ୟାଳୟରେ ରାଜ୍ୟ ବିଜେପି ସଭାପତି ସମୀର ମହାନ୍ତି ପତାକା ଉତ୍ତୋଳନ କରିଥିଲେ । ଏହି ସମୟରେ ଦଳୀୟ ନେତା ଓ ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର ଉପସ୍ଥିତ ଥିଲେ । ଦୀର୍ଘ ୪୧ ବର୍ଷ ତଳେ ୬ ଏପ୍ରିଲ ୧୯୮୦ ମସିହାରେ ଅଟଳ ବିହାରୀ ବାଜପେୟୀ ଓ ଲାଲକୃଷ୍ଣ ଆଡଭାନୀ ମିଶି ମୁମ୍ବାଇର ସମୁଦ୍ର କୂଳରେ ଭରତୀୟ ଜନତା ପାର୍ଟି ପ୍ରସ୍ତୁତ କରିଥିଲେ ।
ଝାରସୁଗୁଡାର ବିଟିଏମ ବିଜେପି ଅଫିସଠାରେ ମଧ୍ୟ ପ୍ରତିଷ୍ଠା ଦିବସ ପାଳିତ ହୋଇଛି। ପାର୍ଟି ଅଫିସରେ ଦଳୀୟ ପତାକା ଉତ୍ତୋଳନ କରାଯାଇଥିଲା ଏହି ସମୟରେ ସମସ୍ତକର୍ମୀ ଏବଂ ନେତା ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ରାଜ୍ୟ ସାଧାରଣ ସମ୍ପାଦକ ଟଙ୍କଧର ତ୍ରିପାଠୀ, ରାଜ୍ୟ ସଂଖ୍ୟାଲଘୁ ସାଧାରଣ ସମ୍ପାଦକ ବବଲୁ ସିଂ, ଗ୍ରାମୀଣ ସଭାପତି ଡମ୍ବୁରଧର କଣ୍ଟା, ଜିଲ୍ଲା ସମ୍ପାଦକ ସୋନୁ ଥିରାନୀ, ମନୋଜ କଲେତ ସହ ଅସଂଖ୍ୟ କାର୍ଯ୍ୟକର୍ତା ଭାଇମାନେ ପ୍ରମୁଖ ଉପସ୍ଥିତ ଥିଲେ।
ପାର୍ଟି ପାଇଁ ବଳିଦାନ ଦେଇ ଅନେକ ବରିଷ୍ଠ ନେତୃଗଣଙ୍କୁ ତାଙ୍କ ଜୀବନୀ ବିଷୟ ସୃତିଚାରଣା କରାଯାଇଥିଲା ଏବଂ ତାଙ୍କର ମହାନ ବଳିଦାନ ବିଷୟରେ ଉପସ୍ଥିତ ନେତା ଆଲୋକପାତ କରାଇଥିଲେ। ଶେଷରେ ବବଲୁ ସିଂ ଧନ୍ୟବାଦ ଅର୍ପଣ କରିଥିଲେ ।
ଏଥିସହ ବିଟିଏମ ଅଫିସ କାର୍ଯ୍ୟାଳୟରେ ଆଜି ସକାଳ ୧୦ଟାରେ ପ୍ରଧାନମନ୍ତ୍ରୀ ପାର୍ଟି ପ୍ରତିଷ୍ଠା ୪୨ତମ ପାର୍ଟି ପ୍ରତିଷ୍ଠାର ଉଦବୋଧନ ଦେବା ବେଳେ ତାଙ୍କର ଅଭିଭାଷଣର ସିଧାପ୍ରସାରଣ ଶୁଣି ଥିଲେ ସମସ୍ତ କାର୍ଯ୍ୟକର୍ତା ଭାଇମାନେ।
