ଝାରସୁଗୁଡ଼ା : ଝାରସୁଗୁଡ଼ାର ଅନ୍ୟତମ ଅଗ୍ରଣୀ ଆର୍କିଟେକଚର ‘ଓକୁଲସ୍ ଡିଜାଇନ୍ ସେଲ୍’କୁ 3000 ବର୍ଗ କିଲୋମିଟରରୁ ଅଧିକ ବିଲ୍ଡିଂ ନିର୍ମାଣ କରିବା କ୍ଷେତ୍ରରେ ଉଲ୍ଲେଖନୀୟ ସଫଳତା ପାଇଁ ପୁରସ୍କୃତ କରାଯାଇଛି । ଏହି କାର୍ଯ୍ୟକ୍ରମର ଆୟୋଜନ ଇଣ୍ଡିଆନ୍ କଂକ୍ରିଟ୍ ଇନଷ୍ଟିଚ୍ୟୁଟ, ଭୁବନେଶ୍ୱର ଚାପ୍ଟର ଏବଂ ଆଦିତ୍ୟ ବିର୍ଲା ଗ୍ରୁପର ମିଳିତ ଆନୁକୂଲ୍ୟରେ ହୋଇଥିଲା। 2022 ମାର୍ଚ୍ଚ 25 ତାରିଖରେ ଭୁବନେଶ୍ୱରସ୍ଥିତ ହୋଟେଲ ମେ ଫେୟାର କନଭେନସନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ଏହି ବର୍ଗରେ ପାଖାପାଖି 42ଟି ନାମାଙ୍କନ ପତ୍ର ଗ୍ରହଣ କରାଯାଇଥିଲା । ଯେଉଁଥିରେ ଓକୁଲସ୍ ଡିଜାଇନ୍ ସେଲକୁ ଶ୍ରେଷ୍ଠ କଂକ୍ରିଟ ଷ୍ଟ୍ରକଚର ଭାବେ ବଛା ଯାଇଛି। କମ୍ପାନୀର ମାଲିକ ଇଞ୍ଜିନିୟର ନିଗମ ପ୍ରସାଦ ମେହେର କହିଛନ୍ତି, ଏପରି ପୁରସ୍କାର ପାଇ ସେ ଅତ୍ୟନ୍ତ ଆନନ୍ଦିତ ।
