ଭୁବନେଶ୍ୱର: ବହୁତ ଦିନର ବ୍ୟବଧାନ ପରେ ଆଜି ପେଟ୍ରୋଲ ଓ ଡିଜେଲ୍ ଦର ହ୍ରାସ ପାଇଛି । ପେଟ୍ରୋଲ ଲିଟର ପିଛା ୫ ଟଙ୍କା କମିଥିବାବେଳେ ଡିଜେଲ ଲିଟରପିଛା ୧୦ ଟଙ୍କା କମିଛି । ଆଜିଠାରୁ ଏହା ଲାଗୁ ହେବ । ଉତ୍କଳ ପେଟ୍ରୋଲିୟମ ସଂଘର ସମ୍ପାଦକ ସଞ୍ଜୟ ଲାଠ କହିଛନ୍ତି ରାଜ୍ୟରେ ପେଟ୍ରୋଲ ୬.୬୦ ଓ ଡ଼ିଜେଲ ୧୨.୮୦ କମିବ ।
ଅଶୋଧିତ ତୈଳ ମୂଲ୍ୟରେ ବୃଦ୍ଧି ଉଭୟ ଇନ୍ଧନର ଘରୋଇ ମୂଲ୍ୟକୁ ରେକର୍ଡ କରିବାରେ ଲାଗିଛି। ଅନେକ ସହରରେ ପେଟ୍ରୋଲ ଲିଟର ପିଛା ୧୧୦ ଟଙ୍କା ଅତିକ୍ରମ କରିସାରିଥିବାବେଳେ ଡିଜେଲ ମଧ୍ୟ ପଛରେ ନାହିଁ। ପରିବହନ ଇନ୍ଧନର ବୃଦ୍ଧି ମୁଦ୍ରାସ୍ଫୀତି ଚାପକୁ ନେଇ ଚିନ୍ତା ବଢାଇଇ ଦେଇଥିଲା ଯାହା ଆରବିଆଇକୁ ମଧ୍ୟ ଚିନ୍ତାରେ ପକାଇଥିଲା।
ଦୀପାବଳିର ଗୋଟିଏ ଦିନ ପୂର୍ବରୁ ବୁଧବାର ରାତିରେ ଅର୍ଥ ମନ୍ତ୍ରଣାଳୟ କହିଛି ଯେ ଡିଜେଲ ଉପରେ ଏକ୍ସାଇଜ୍ ଶୁଳ୍କ ହ୍ରାସ ପେଟ୍ରୋଲ ତୁଳନାରେ ଦୁଇଗୁଣ ହେବ। ଭାରତୀୟ କୃଷକମାନେ ସେମାନଙ୍କର ପରିଶ୍ରମ ଦ୍ୱାରା ଅର୍ଥନୀତିକ ଅଭିବୃଦ୍ଧି ଜାରି ରଖିଛନ୍ତି। ଡିଜେଲ ଉପରେ ଏକ୍ସାଇଜ୍ ଡ୍ୟୁଟିରେ ଏବଂ ଆଗାମୀ ରବି ଋତୁରେ ଚାଷୀଙ୍କ ପାଇଁ ଏକ ଉତ୍ସାହ ଭାବରେ ଆସିବ ବୋଲି ମନ୍ତ୍ରାଳୟ କହିଛି।
ଅର୍ଥନୀତିକୁ ଅଧିକ ଉତ୍ସାହିତ କରିବା ପାଇଁ ଡିଜେଲ ଏବଂ ପେଟ୍ରୋଲ ଉପରେ ଏକ୍ସାଇଜ୍ ଶୁଳ୍କ ହ୍ରାସ କରିବାକୁ ଭାରତ ସରକାର ନିଷ୍ପତ୍ତି ନେଇଛନ୍ତି। ଏଥିସହ ପେଟ୍ରୋଲ ଏବଂ ଡିଜେଲ ଉପରେ ଭାଟ୍ ହ୍ରାସ କରିବାକୁ କେନ୍ଦ୍ର ରାଜ୍ୟ ସରକାରଙ୍କୁ ଅନୁରୋଧ କରିଛି।
ଏହାପରେ ଆସାମ, କର୍ଣ୍ଣାଟକ ପ୍ରଟ୍ରୋଲ ଓ ଡିଜେଲରେ ୭ ଟଙ୍କା ଭାଟ କମାଇ ଥିବା ବେଳେ ବିହାର ପେଟ୍ରୋଲରେ ୧.୩୦ ପଇସା ଓ ଡିଜେଲରେ ୧.୯୦ ପଇସା କମାଇଛି।
ଏନେଇ ଗ୍ରାହକ ଖୁସିବ୍ୟକ୍ତ କରିଛନ୍ତି । ଆଗକୁ ତୈଳ ଦର ଆହୁରି ହ୍ରାସ ପାଇବ ବୋଲି ଲୋକେ ଆଶା ବ୍ୟକ୍ତ କରିଛନ୍ତି । ଦୀପାବଳି ଭେଟି ଭାବେ କେନ୍ଦ୍ରସରକାର ତୈଳଦର ହ୍ରାସ କରିଥିବା ବେଳେ ଏବେ ରାଜ୍ୟସରକାର କଣ କରୁଛନ୍ତି ତାହାକୁ ଅପେକ୍ଷା କରିଛନ୍ତି ଲୋକେ । ତୈଳ ଦର ବୃଦ୍ଧି ଯୋଗୁ ସବୁର ଦରଦାମ ବୃଦ୍ଧି ପାଉଥିଲା ଏବେ ଏହା ଅପେକ୍ଷାକୃତ ହ୍ରାସ ପାଇବ ବୋଲି ଲୋକେ ଆଶା ରଖିଛନ୍ତି । ରାଜଧାନୀରେ ଏବେ ଗ୍ରାହକ ପେଟ୍ରୋଲ ଲିଟର ପିଛା ୧୦୬ ଓ ଡିଜେଲ୍ ଲିଟର ପିଛା ୧୦୩ ଟଙ୍କାରେ ପାଇବେ ।
