ମରୁଡି ସମସ୍ୟା, ଚାଷୀଙ୍କ ସହ ଆଲୋଚନା କଲା ବିଜେପି ଟିମ୍

ଝାରସୁଗୁଡା: ଚଳିତ ବର୍ଷ ସ୍ୱଳ୍ପ ବୃଷ୍ଟିପାତ ଯୋଗୁଁ ରାଜ୍ୟରେ ବିଭିନ୍ନ ଜିଲ୍ଲାରେ ମରୁଡି ସମସ୍ୟା ଦେଖା ଦେଇଛି। ଯେଉଁ ସବୁ ଜିଲ୍ଲାରେ ଏପରି ସମସ୍ୟା ରହିଛି ସେଥିମଧ୍ୟରେ ଝାରସୁଗୁଡ଼ା ଜିଲ୍ଲା ରହିଛି। ଜିଲ୍ଲାର କୁଲାବିରା, ଲଇକେରା, କିରମିରା, ଝାରସୁଗୁଡା ବ୍ଲକରେ ବର୍ଷା ଅଭାବ ଯୋଗୁଁ ଧାନ ଏବେ ମାରିବାରେ ଲାଗିଲାଣି।

ଏପରି ପରିସ୍ଥିତିରେ ଚାଷୀମାନେ ମୁଣ୍ଡରେ ହାତ ଦେଇ ବସିଥିବା ବେଳେ ରାଜ୍ୟ ବିଜେପିର ସମ୍ପାଦକ ଟଙ୍କଧର ତ୍ରିପାଠୀ ଶୁକ୍ରବାର ବ୍ଲକର ବିଭିନ୍ନ ଚାଷ ଜମି ପରିଦର୍ଶନ କରିଥିଲେ। ଚାଷ ଜମିକୁ ଗ୍ରାଉଣ୍ଡରୁ ତନଖି ବା ସହିତ ଚାଷୀଙ୍କ ସହ ଆଲୋଚନା କରିଛନ୍ତି। ଚାଷୀଙ୍କ ସହ ବିଭିନ୍ନ ସମସ୍ୟା ସମ୍ପର୍କରେ ପଚାରି ବୁଝିବା ସହ ଫସଲ ନଷ୍ଟ ହୋଇଥିବା ଅଂଚଳ ଗୁଡ଼ିକ ମରୁଡି ଘୋଷଣା କରି ସହାୟତା ପ୍ରଦାନ କରିବା ପାଇଁ ସେ ଜିଲ୍ଲା ପ୍ରଶାସନକୁ ଅନୁରୋଧ ମଧ୍ୟ କରିଛନ୍ତି।

ରିପୋର୍ଟ ଅନୁୟାୟୀ ଓଡ଼ିଶାର ମୋଟ୍ ସାତଟି ଜିଲ୍ଲା ବର୍ଷା ଅଭାବରୁ ମରୁଡି ସମସ୍ୟାରେ ପଡ଼ିପାରେ। ଏହାରି ମଧ୍ୟରୁ ଝାରସୁଗୁଡା ଜିଲ୍ଲା ବର୍ଷା ଅଭାବରୁ ଗୁରୁତର ଭାବରେ ପ୍ରଭାବିତ ହୋଇଛି। ଅଗଷ୍ଟ 25 ପର୍ଯ୍ୟନ୍ତ ସଂଗୃହିତ ତଥ୍ୟ ଅନୁଯାୟୀ, ଝାରସୁଗୁଡା ଜିଲ୍ଲାରେ 535.2 ମିଲିମିଟର ବର୍ଷା ହୋଇଛି। କିନ୍ତୁ ସାଧାରଣ ବୃଷ୍ଟିପାତ 913.4 ମିଲିମିଟର ହେବା କଥା। ତେଣୁ ଜିଲ୍ଲାରେ 41.4 ପ୍ରତିଶତ ବର୍ଷାର ଅଭାବ ରହିଛି। ଏପରି ପରିସ୍ଥିତି ଯୋଗୁଁ ଚାଷୀମାନେ ବର୍ତ୍ତମାନ ଫସଲକୁ ନେଇ ଚିନ୍ତାରେ ପଡିଛନ୍ତି।

କୋଲାବିରା ବ୍ଲକ ଅନ୍ତର୍ଗତ ବାଦବାହାଲର ଚାଷୀ ବାଇକୁନ୍ଥା ଜଗତ କହିଛନ୍ତି, “ବର୍ଷାର ଅଭାବ ଯୋଗୁଁ ସମସ୍ତ ଚାଷୀ ଯନ୍ତ୍ରଣା ଭୋଗୁଛନ୍ତି। ଜମିରେ ଫାଟ ସୃଷ୍ଟି ହୋଇ ସାରିଛି। ଏପରିକି ସ୍ୱଳ୍ପ ବର୍ଷା ହେତୁ ନିକଟସ୍ଥ ପୋଖରୀ ଏବଂ ନାଳ ପାଣି ମଧ୍ୟ ପୁରି ନାହିଁ। ତେଣୁ ଆମ ଅଞ୍ଚଳକୁ 100% ମରୁଡ଼ି ଅଞ୍ଚଳ ବୋଲି ଘୋଷଣା କରିବାକୁ ଏବଂ ସମସ୍ତ କୃଷକ ନେଇଥିବା ଋଣରୁ ମୁକ୍ତି ପ୍ରଦାନ କରିବାକୁ ଆମେ ରାଜ୍ୟ ଏବଂ କେନ୍ଦ୍ର ସରକାରଙ୍କୁ ଅନୁରୋଧ କରୁଛୁ।”

ସେହିପରି ବିଜେପିର ସାଧାରଣ ସମ୍ପାଦକ ଟଙ୍କଧର ତ୍ରିପାଠୀ କହିଛନ୍ତି, “ବର୍ଷା ଅଭାବ ଯୋଗୁଁ କୃଷି ଜମିରେ ଫାଟ ସୃଷ୍ଟି ହୋଇଛି। ବୁଣିବା ପାଇଁ ପ୍ରସ୍ତୁତ ହୋଇଥିବା ଧାନ ହଳଦିଆ ହୋଇଯାଇଛି। ଉଠା ଜଳସେଚନ ସତ୍ତ୍ୱେ ଏହା କାର୍ଯ୍ୟକ୍ଷମ ହୋଇନି। କାରଣ ରାଜ୍ୟ ସରକାରଙ୍କ ଅବହେଳା ପାଇଁ ଫସଲ ଖରାପ ହୋଇଛି। ଜମିର ସ୍ଥିତି ଆକଳନ କରିବା ପରେ ଆମେ ରାଜ୍ୟ ସରକାରଙ୍କୁ ଏହି ଅଞ୍ଚଳକୁ ମରୁଡ଼ି ବୋଲି ଘୋଷଣା କରିବାକୁ ଦାବି କରିବୁ। ଏଥିସହ ଚାଷୀଙ୍କୁ କ୍ଷତିପୂରଣ ପ୍ରଦାନ କରିବା ଏବଂ ପରବର୍ତ୍ତୀ ସମୟରେ ଲିଫ୍ଟ ଜଳସେଚନ ବିନ୍ଦୁ ପ୍ରତିଷ୍ଠା କରିବା ପାଇଁ ଦାବି କରିବୁ”।

କୁଚିଣ୍ଡାର ପୂର୍ବତନ ବିଧାୟକ ରବି ନାଏକ କହିଛନ୍ତି, “ଆମେ ରାଜ୍ୟ ସଭାପତି ସମୀର ମହାନ୍ତିଙ୍କ ନିର୍ଦ୍ଦେଶ କ୍ରମେ ଝାରସୁଗୁଡା ଜିଲ୍ଲାର ବିଭିନ୍ନ ବ୍ଲକ ପରିଦର୍ଶନ କରୁଛୁ। ଫସଲର ଅବସ୍ଥା ଅତ୍ୟନ୍ତ ଖରାପ ରହିଛି। ସ୍ଥିତି ଯେଉଁଭଲି ରହିଛି ଲାଗୁ ନାହିଁ ଯେ ସେମାନେ ଚଳିତ ବର୍ଷ ନିଜ କଷ୍ଟ ଉପାର୍ଜିତ ପରିଶ୍ରମର ଫଳ ପାଇବେ। ଆମର ଫ୍ୟାକ୍ଟ ଫାଇଣ୍ଡିଂ ଟିମ୍ ଦଳ ଏ ନେଇ ଏକ ରିପୋର୍ଟ ପ୍ରସ୍ତୁତ କରିବେ ଏବଂ ଆଗାମୀ ବିଧାନସଭାରେ ଉପସ୍ଥାପନ କରିବେ।”

ଏହି ଅବସରରେ ରାଜ୍ୟ ଉପ ସଭାପତି ଓ ରେଙ୍ଗାଲି ବିଧାୟକ ଶ୍ରୀଯୁକ୍ତ ନାଉରି ନାୟକ, ରାଜ୍ୟ ସାଧାରଣ ସଂପାଦକ ଶ୍ରୀଯୁକ୍ତ ରବି ନାୟକ, ରାଜ୍ୟ ଯୁବ ମୋର୍ଚ୍ଚା ଉପ ସଭାପତି ଶ୍ରୀଯୁକ୍ତ ବିଶ୍ୱଜିତ ଷଡ଼ଙ୍ଗୀ, ରାଜ୍ୟ କୃଷକ ମୋର୍ଚ୍ଚା ଉପ ସଭାପତି ଶ୍ରୀଯୁକ୍ତ ଚନ୍ଦ୍ରଶେଖର ପଣ୍ଡା, ରାଜ୍ୟ କୃଷକ ମୋର୍ଚ୍ଚା ସଂପାଦକ ଶ୍ରୀଯୁକ୍ତ ଉପାଧ୍ୟ୍ୟ ପାଣିଗ୍ରାହୀ, ପୁରୁଷୋତ୍ତମ ଥିରାନି, ବ୍ଳବିନ୍ଦେର ସିଂହ, ବିଜୟ ଶର୍ମା, ପଙ୍କଜ ବେହେରା, ରାଜେଶ ଦାଶ, ଏକାଦସିଆ ରଣା, ଝସକେତନ ପ୍ରଧାନ ପ୍ରମୁଖ ଉପସ୍ଥିତ ଥିଲେ।