ବାହାରିଲା ମାଟ୍ରିକ ପରୀକ୍ଷାଫଳ, ଝାରସୁଗୁଡାରେ ପାସ ହାର 98.30%

0
44

କଟକ: ଆଜି ମାଟ୍ରିକ୍ ଫଳାଫଳ ପ୍ରକାଶ ପାଇଛି। ଚଳିତବର୍ଷ ନିୟମିତ ପାସ୍ ହାର 97.89% ଥିବାବେଳେ ଏକ୍ସ ରେଗୁଲାର ପାସ୍ ହାର 88.33% ରହିଛି। ମୋଟ୍ 5, 62,010 ଛାତ୍ର ଛାତ୍ରୀ 5, 74,125 ଜଣ ପରୀକ୍ଷାର୍ଥୀଙ୍କ ମଧ୍ୟରୁ ପାସ କରିଛନ୍ତି। ଏଥିମଧ୍ୟରୁ 2656 ଜଣ A1 ଗ୍ରେଡ୍, 22131 ଜଣ ଛାତ୍ର A2 ଗ୍ରେଡ୍, B1 ଗ୍ରେଡ୍ 52299, B2 ଗ୍ରେଡ୍ 94475 ଜଣ ପାଇଛନ୍ତି। 1,37,014 ଜଣ C ଗ୍ରେଡ୍‌ରେ ପାସ୍ କରିଥିବା ବେଳେ 1,51,639 ଜଣ D ଗ୍ରେଡ୍‌, 1,01,796 ଜଣ E ଗ୍ରେଡ୍ ପାଇଛନ୍ତି।

ଝାରୁସଗୁଡା ଜିଲ୍ଲାରୁ 7039 ଜଣ ଫର୍ମ ଫିଲ ଅପ୍ କରିଥିଲେ। A1 ଗ୍ରେଡ୍ 15 ଜଣ, A2 ଗ୍ରେଡ୍ 258, B1 ଗ୍ରେଡ୍ 676, B2 ଗ୍ରେଡ୍ 1166, C ଗ୍ରେଡ୍‌ରେ 1651, D ଗ୍ରେଡରେ 1558, E ଗ୍ରେଡରେ 1595, F ଗ୍ରେଡରେ 80 ଜଣ ପାସ କରିଛନ୍ତି। ଏଥିସହ 98.30 ପ୍ରତିଶତ ପାସ ହାର ରହିଛି। ମୋଟ୍ 40 ଜଣ ଫର୍ମ ଫିଲ୍ ଅପ୍ ବେଳେ ଭୁଲ ପାଇଁ ରିଜେକ୍ଟ ହୋଇଛନ୍ତି।

ଏହା ବ୍ୟତୀତ ପ୍ରାୟ 7703 ଜଣ ପରୀକ୍ଷାର୍ଥୀ ଫେଲ୍ ହୋଇଛନ୍ତି। ତେବେ ଫଳାଫଳକୁ ନେଇ ଅସନ୍ତୁଷ୍ଟ ପରୀକ୍ଷାର୍ଥୀ ଅଫ୍ ଲାଇନରେ ପରୀକ୍ଷା ଦେଇପାରିବେ। ଏଥିପାଇଁ ଜୁଲାଇ 5ରୁ ଫର୍ମ ପୂରଣ ରହିଛି, ଅଗଷ୍ଟରେ ପରୀକ୍ଷା ହେବ। କୋଭିଡ ମହାମାରୀ ପାଇଁ ଦଶମ ଶ୍ରେଣୀ ପରୀକ୍ଷା ବାତିଲ କରାଯାଇଥିଲା।

ସେହିପରି ଚଳିତ ବର୍ଷ ଏକ୍ସରେଗୁଲାରରେ 53,279 ଜଣ ପିଲାଙ୍କ ମଧ୍ୟରୁ 47,060 ଜଣ ପାସ୍ କରିଛନ୍ତି। ଏକ୍ସରେଗୁଲାରରେ ପାସ୍ ହାର 88.30% ରହିଛି।

ବୋର୍ଡ ଅଫ୍ ସେକେଣ୍ଡାରୀ ଏଜୁକେସନର ଅଫିସିଆଲ ୱେବସାଇଟ୍ bseodisha.ac.in ଏବଂ www.bseodisha.nic.inରେ ସନ୍ଧ୍ୟା 6 ଟାରୁ ପରୀକ୍ଷା ଫଳ ଉପଲବ୍ଧ ହେଉଛି। ନହେଲେ ଛାତ୍ରଛାତ୍ରୀ ମୋବାଇଲ୍ ଫୋନରେ SMS- OR01 <ରୋଲ୍ ନମ୍ବର> 5676750କୁ ପଠାଇ ଫଳାଫଳ ଜାଣିପାରିବେ।