ଝାରସୁଗୁଡା: ମହଙ୍ଗା ପଡିଲା ଜାତୀୟ ପତାକାକୁ ଅସମ୍ମାନ କରିବା। ଅଟକ ରହିଲା ଯୁବକ। ଜାତୀୟ ପତାକାକୁ ଏକ କଟା ଛେଳି ମୁଣ୍ଡରେ ଗୋଡାଇ ରଖିଥିଲା ଝାରସୁଗୁଡା ବନ୍ଧବାହାଲର ମାଂସ ଦୋକାନୀ। ଆଉ ଏହାର ଫଟୋ ସୋଶିଆଲ ମିଡିଆରେ ଭାଇରାଲ ହୋଇଥିଲା। ଯେଉଁଥିରେ ତ୍ରିରଙ୍ଗାକୁ ଅସମ୍ମାନ କରାଯାଇଥିବାର ଦେଖିବାକୁ ମିିଳିଥିଲା।
ବିବାଦ ବଢୁଥିବା ଦେଖି ବନହରପାଲି ଥାନା ସଂପୃକ୍ତ ଯୁବକଙ୍କୁ ଉଠାଇ ଆଣିଥିଲା। ପରେ ବନ୍ଧବାହାଲର ଅନେକ ଲୋକ ଏ ନେଇ ଖବର ପାଇବା ପରେ ଥାନାରେ ପହଞ୍ଚିଥିଲେ। ଆଉ ଜାତୀୟ ପତାକା ଅସମ୍ମାନ ହୋଇଥିବା ନେଇ ଭାଇରାଲ ହୋଇଥିବା ସୋଶିଆଲ ମିଡିଆ ପୋଷ୍ଟ ପଛରେ ସଂପୃକ୍ତ ଯୁବକ ରହିଛି ଲୋକେ ଜାଣିବାକୁ ପାଇଥିଲେ। ଏହାପରେ ବନ୍ଧବାହାଲର ବାସିନ୍ଦା ସଞ୍ଜୀବ ବେହେରା ଥାନାରେ ମାଂସ ଦୋକାନୀ ମହମ୍ମଦ ସାହାଜାଦଙ୍କ ନାମରେ ଲିଖିତ ଅଭିଯୋଗ କରିଥିଲେ। ଏବେ ଥାନା ଅଧିକାରୀ ଏକ ମାମଲା ମଧ୍ୟ ରୁଜୁ କରିବା ପରେ ସଂପୃକ୍ତ ଯୁବକଙ୍କୁ ଅଟକ ରଖିଛି। ଗୁରୁବାର କୋର୍ଟ ଚାଲାଣ କରାଯିବ ବୋଲି ଫାଣ୍ଡି ଅଧିକାରୀ ଭଇଁସାଲ କହିଛନ୍ତି।
