ୟୁପିର ବିଜେପି ନେତା ଆଜି ରାଧାରାଣୀଙ୍କ ସମର୍ଥନରେ ଭୋଟ୍ ମାଗିବାକୁ ମୈଦାନରେ ଓହ୍ଲାଇବେ

ବ୍ରଜରାଜନଗର: ଝାରସୁଗୁଡ଼ା ଜିଲ୍ଲା ବ୍ରଜରାଜନଗର ବିଧାନସଭା ଉପନିର୍ବାଚନ ପାଇଁ ପ୍ରଚାର ଯୋରସୋରରେ ଚାଲିଥିବା ବେଳେ ଆଜି ଉତ୍ତର ପ୍ରଦେଶର ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ଆଜମଗଡ଼ ଲୋକସଭା ନିର୍ବାଚନ ମଣ୍ଡଳୀରେ ଅଖିଳେଶ ଯାଦବଙ୍କ ବିରୋଧରେ ବିଜେପିରୁ ନିର୍ବାଚନ ଲଢ଼ିଥିବା ଦିନେଶ ଲାଲ ଯାଦବ (ନୀରହୁହା) ପ୍ରଚାର କରିବେ। ଦଳୀୟ ପ୍ରାର୍ଥୀ ରାଧାରାଣୀ ପଣ୍ଡାଙ୍କ ପାଇଁ ସେ ଆସି ପ୍ରଚାର କରିବେ ବୋଲି ସୂଚନା ରହିଛି । ଏ ନେଇ ବିଜେପି ନେତା ଗୋଲକ ମହାପାତ୍ର ସୂଚନା ଦେଇଛନ୍ତି।

ଦିନେଶ ଲାଲ ଯାଦବ ନୀରହୁହା ଭାବରେ ଜଣାଶୁଣା । ବଲିଉଡ ତଥା ଭୋଜପୁରୀ ଚଳଚ୍ଚିତ୍ର ଜଗତର ସେ ଜଣେ ଲୋକପ୍ରିୟ ଅଭିନେତା । ନୀରହୁହା ଅନେକ ହିନ୍ଦୀ ଓ ଭୋଜପୁରୀ ଚଳଚ୍ଚିତ୍ରରେ ଅଭିନୟ କରିଛନ୍ତି ।