ଝାରସୁଗୁଡ଼ା: ଶୁକ୍ରବାର ଅପରାହ୍ନରେ ବ୍ରଜରାଜନଗରସ୍ଥିତ ରେମଜା ପାଓ୍ୱାର ହାଉସ ରାସ୍ତା ନିକଟରେ ଏକ ସ୍କୁଲ୍ ବସକୁ କାରକୁ ଧକ୍କା ଦେବା ଫଳରେ ଜଣେ କାର୍ ଚାଳକ ଗୁରୁତର ଆହତ ହୋଇଛନ୍ତି।
ସୂଚନା ଅନୁଯାୟୀ, ରେମଜା ପାଓ୍ୱାର ହାଉସ ରୋଡ ନିକଟରେ ଅପର୍ଣ୍ଣା ଓ୍ୱାର୍ଲ୍ଡ ସ୍କୁଲର ଏକ ସ୍କୁଲ ବସ୍ ଛିଡ଼ା ହୋଇଥିବା ବେଳେ ଦ୍ରୁତ ଗତିରେ ଆସୁଥିବା ମାରୁତି ସୁଇଫ୍ଟ କାର ବସକୁ ସାମ୍ନାରୁ ଧକ୍କା ଦେଇଥିଲା। ଫଳରେ ଡ୍ରାଇଭର ଗୁରୁତର ଆହତ ହୋଇ ବ୍ରଜରାଜନଗର ସେଣ୍ଟ୍ରାଲ ହସ୍ପିଟାଲରେ ଭର୍ତ୍ତି ହୋଇଛନ୍ତି।
ତେବେ ବସରେ ଯାତ୍ରା କରୁଥିବା ସ୍କୁଲ୍ ବସର ପିଲାମାନେ ସମ୍ପୂର୍ଣ୍ଣ ସୁସ୍ଥ ଥିବା ବେଳେ କାହାକୁ ଆଘାତ ଲାଗିନି। ଏହି ଦୁର୍ଘଟଣା ଯୋଗୁ ଗାନ୍ଧୀ ଛକରୁ ବ୍ରଜରାଜନଗର ଯାଏ ଯାତାୟତ ବାଧାପ୍ରାପ୍ତ ହୋଇଛି। ତେବେ ବ୍ରଜରାଜନଗର ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ରାସ୍ତା ଅବରୋଧ ହଟାଇବା ସହ ଯାନବାହାନ ଚଳାଚଳ ସ୍ୱାଭାବିକ କରିଥିଲେ।
