ଝାରସୁଗୁଡାରେ ସକାଳ 6ରୁ ସଂଧ୍ୟା 6 ଖୋଲିବ ଦୋକାନ, ହଟିଲା ସପ୍ତାହନ୍ତ ସଟଡାଉନ

0
74

ଝାରସୁଗୁଡା: ଜିଲ୍ଲାରେ କୋଭିଡ ସଂକ୍ରମଣ ହାର 5 ପ୍ରତିଶତରୁ କମ୍ ରହିଛି। ତେଣୁ ଝାରସୁଗୁଡା ସମେତ 20ଟି ଜିଲ୍ଲାରେ ସପ୍ତାହନ୍ତ ସଟଡାଉନ ହଟାଇବା ସହିତ ସଂଧ୍ୟା 6 ଯାଏ ଦୋକାନ ଖୋଲିବାକୁ ଅନୁମତି ଦେଇଛନ୍ତି ରାଜ୍ୟ ସରକାର। ମୁଖ୍ୟ ଶାସନ ସଚିବ ସୁରେଶ ମହାପାତ୍ର ବୁଧବାର ଅପରାହ୍ନରେ ପ୍ରେସ କନଫରେନସ କରି ଏହି ସୂଚନା ଦେଇଛନ୍ତି।

ଯେଉଁ ଜିଲ୍ଲା ଗୁଡ଼ିକ ଏ ଶ୍ରେଣୀରେ ରହିଛନ୍ତି ସେଗୁଡ଼ିକ ହେଲା ଅନୁଗୁଳ, ଢେଙ୍କାନାଳ, କେନ୍ଦୁଝର, ସୁନ୍ଦରଗଡ, ଝାରସୁଗୁଡା, ବରଗଡ, ସମ୍ବଲପୁର, ଦେଓଗଡ, କଳାହାଣ୍ଡି, ବଲାଙ୍ଗୀର, ନୁଆପଡା, ସୁବର୍ଣ୍ଣପୁର, ଗଞ୍ଜାମ, ଗଜପତି, କନ୍ଧମାଳ, ବୌଦ୍ଧ, କୋରାପୁଟ, ନବରଙ୍ଗପୁର, ମାଲକାନଗିରି ଏବଂ ରାୟଗଡା।

କୋଭିଡ ସଂକ୍ରମଣ ହାର 5 ପ୍ରତିଶତରୁ କମି ଆସିଥିବାରୁ ୩ଟି ଜିଲ୍ଲା ଢେଙ୍କାନାଳ, ଅନୁଗୁଳ ଓ କେନ୍ଦୁଝର ଏ ଶ୍ରେଣୀକୁ ଯାଇଛନ୍ତି। ପୂର୍ବରୁ ଏହି ତିନି ଜିଲ୍ଲା ବି ଶ୍ରେଣୀରେ ଥିଲେ।

କ’ଣ ରହିଛି ନିୟମ

  • ସକାଳ 6ରୁ ସଂଧ୍ୟା 6ଟା ଯାଏ ଦୋକାନ ଖୋଲା ରହିବ
  • ମଲ, ପାର୍ଲରକୁ ଛାଡ଼ି ଦେଲେ ବାକି ସବୁ ଦୋକାନ ଖୋଲା ରହିବ
  • ବସ୍ ଓ ଟ୍ୟାକ୍ସି ଚଳାଚଳ କରିବାକୁ ଅନୁମତି
  • ଇନଡୋର ଓ ଆଉଟଡୋର ସୁଟିଂକୁ ଅନୁମତି
  • ସପ୍ତାହନ୍ତ ସଟ ଡାଉନ ହଟାଇ ଦିଆଯାଇଥିବା ବେଳେ ନାଇଟ୍ କର୍ଫ୍ୟୁ ବଳବତ୍ତର
  • ସମସ୍ତ ଜିଲ୍ଲାରେ ବିବାହ, ସାମାଜିକ କାମ ଆଦିରେ ପୂର୍ବପରି କଟକଣା ରହିଛି

ବି ଶ୍ରେଣୀରେ ଥିବା ଜିଲ୍ଲା ହେଉଛି ନୟାଗଡ଼, ପୁରୀ, ଖୋର୍ଧା, କଟକ, ମୟୂରଭଞ୍ଜ, ଯାଜପୁର, କେନ୍ଦ୍ରାପଡା, ଜଗତ୍ସିଂହପୁର, ଭଦ୍ରକ ଏବଂ ବାଲେଶ୍ୱର।

କ’ଣ ରହିଛି ନିୟମ

  • ସକାଳ 6ରୁ ଅପରାହ୍ନ 2ଟା ଯାଏ ଦୋକାନ ଖୋଲିବାକୁ ଅନୁମତି
  • 10 ଜିଲ୍ଲାରେ ଆଉଟଡୋର ସୁଟିଂ ପାଇଁ ଅନୁମତି
  • ଉଠା ଦୋକାନୀ ଦୋକାନ ଖୋଲିପାରିବେ, ଖାଦ୍ୟ ପାର୍ସଲ ହେବ
  • ପ୍ତାହାନ୍ତ ସଟଡାଉନ ଲାଗୁ ରହିବ
  • ସମସ୍ତ ଜିଲ୍ଲାରେ ବିବାହ, ସାମାଜିକ କାମ ଆଦିରେ ପୂର୍ବପରି କଟକଣା ରହିଛି