ବ୍ଲାକ ଫଙ୍ଗସ ଔଷଧ ତିଆରି କରିବା ପାଇଁ କେନ୍ଦ୍ର ନେଲା ପଦକ୍ଷେପ

ନୂଆଦିଲ୍ଲୀ: ଦେଶରେ କରୋନା ସହିତ ବ୍ଲାକ ଫଙ୍ଗସ ଏବେ ମାରାତ୍ମକ ହେବାରେ ଲାଗିଛି। ଏହି ବ୍ଲାକ ଫଙ୍ଗସର ଚିକିତ୍ସା ପାଇଁ କେନ୍ଦ୍ର ସରକାର ଆମ୍ଫୋଟେରିସିନ୍ ବି ଔଷଧ ଉପରେ ଗୁରୁତ୍ୱ ଦେଇଛନ୍ତି। ଏହି ଔଷଧ କିଭଳି ଅଧିକରୁ ଅଧିକ ତିଆରି କରିହେବ ସେ ନେଇ ସ୍ୱାସ୍ଥ୍ୟ ବିଭାଗ ପଦକ୍ଷେପ ନେଇଛି।

ଦେଶରେ ଏହି ଔଷଧ ସୀମିତ ରହିଛି। ତେଣୁ ଆମ୍ଫୋଟେରିସିନ୍ ବିକୁ ଅଧିକ ଉପଲବ୍ଧ କରିବା ପାଇଁ କେନ୍ଦ୍ର ସରକାରଙ୍କ ଫାର୍ମାସ୍ୟୁଟିକାଲ୍ସ ବିଭାଗ 5 ଔଷଧ ତିଆରି କରୁଥିବା କମ୍ପାନୀ ମାନଙ୍କ ସହ ଆଲୋଚନା କରିଛନ୍ତି।

ଏହି ଔଷଧ ତିଆରି ପାଇଁ ଆବଶ୍ୟକ ଲାଇସେନ୍ସ ପ୍ରଦାନ କରିବା ପାଇଁ ସ୍ୱାସ୍ଥ୍ୟ ମନ୍ତ୍ରଣାଳୟ ଏହି ଔଷଧ କମ୍ପାନୀ ମାନଙ୍କ ସହ ଯୋଗାଯୋଗରେ ଥିବା ନେଇ ସ୍ୱାସ୍ଥ୍ୟ ମନ୍ତ୍ରଣାଳୟର ଯୁଗ୍ମ ସଚିବ ଲବ ଅଗ୍ରୱାଲ କହିଛନ୍ତି।