କୋଭିଶିଲ୍ଡର ଦ୍ୱିତୀୟ ଡୋଜ 12-16 ସପ୍ତାହ ବ୍ୟବଧାନରେ ନିଆଯିବ

ନୂଆଦିଲ୍ଲୀ: କରୋନା ଭାଇରସ ନେଇ ଦ୍ୱିତୀୟ ଟିକା ଗୁରୁତ୍ୱପୂର୍ଣ୍ଣ। ହେଲେ ଟିକାର ଅଭାବ ଦେଖା ଦେବାରୁ ବୋଧହୁଏ ସରକାର ବିଶେଷଜ୍ଞଙ୍କ ପରାମର୍ଶ କ୍ରମେ ଦ୍ୱିତୀୟ ଟିକାର ଅବଧି 6-8 ସପ୍ତାହ ପରିବର୍ତ୍ତେ 12-16 ସପ୍ତାହକୁ କରିଛନ୍ତି। ଆଉ ଏହାକୁ ନେଇ ବିରୋଧୀ ମଧ୍ୟ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି।

ନିକଟରେ ମହାରାଷ୍ଟ୍ର ସରକାର କେନ୍ଦ୍ର ସରକାରଙ୍କୁ ଟାର୍ଗେଟ କରିଛି ଯେ ଟିକାକରଣର ଦ୍ୱିତୀୟ ଡୋଜକୁ 12 ଲକ୍ଷ ଲୋକ ଅପେକ୍ଷା କରିଛନ୍ତି। ହେଲେ ସରକାରଙ୍କ NTAGI କୋଭିଶିଲ୍ଡ ଟିକାର ଦ୍ୱିତୀୟ ଡୋଜ ମଧ୍ୟରେ ପାର୍ଥକ୍ୟକୁ 12-16 ସପ୍ତାହକୁ ବୃଦ୍ଧି କରିବାକୁ ପ୍ରସ୍ତାବ ଦେଇଥିଲେ। ଏବେ ଏହାକୁ ସରକାର ଗ୍ରହଣ କରିଛନ୍ତି। ଅର୍ଥାତ୍ ଦ୍ୱିତୀୟ ଡୋଜ୍ 6-8 ସପ୍ତାହରୁ 12-16 ସପ୍ତାହକୁ ବୃଦ୍ଧି କରାଯାଇଛି। କୋଭିଶିଲ୍ଡର ଦ୍ୱିତୀୟ ଡୋଜ୍ ମଧ୍ୟରେ ବ୍ୟବଧାନ ଏବେ ଚାରିରୁ ଆଠ ସପ୍ତାହ ରହିଛି।

NTAGIର ପରାମର୍ଶ

1. କରୋନାରୁ ଆରୋଗ୍ୟ ହେବା ପରେ ଛଅ ମାସ ପର୍ଯ୍ୟନ୍ତ ଟିକା ନେବା ଠିକ୍ ନୁହେଁ
2. ଗର୍ଭବତୀ ମହିଳାଙ୍କ ପାଇଁ ସରକାର କୌଣସି ମତ ରଖି ନାହାନ୍ତି। ହେଲେ ଜଣେ ଚାହିଁଲେ ଟିକା ନେଇପାରିବେ
3. ସ୍ତନ୍ୟପାନ କରାଉଥିବା ମହିଳାମାନେ ପ୍ରସବ ପରେ ଯେକୌଣସି ସମୟରେ ଟିକାକରଣ କରିପାରିବେ
4. କୋଭିଶିଲ୍ଡର ପ୍ରଥମ ଏବଂ ଦ୍ୱିତୀୟ ଡୋଜ ମଧ୍ୟରେ 12 ରୁ 16 ସପ୍ତାହ ବ୍ୟବଧାନର ସୁପାରିଶ
5. କୋଭାକ୍ସାଇନ ଟିକାରେ କୌଣସି ପରିବର୍ତ୍ତନ ହୋଇନାହିଁ

ବିରୋଧୀ କିନ୍ତୁ କେନ୍ଦ୍ର ସରକାରଙ୍କ କରୋନା ଟିକାକରଣ ନୀତି ଉପରେ କ୍ରମାଗତ ପ୍ରଶ୍ନ କରିଛନ୍ତି। ଏହା ସହ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ କହିଛି ଯେ ଅଗଷ୍ଟ ମାସରୁ 100 ନିୟୁତ ଟିକା ଉତ୍ପାଦନ ଆରମ୍ଭ କରିବ।