ଝାରସୁଗୁଡା: ଦୁଇ ଦିନିଆ ଝାରସୁଗୁଡା ଗସ୍ତରେ ଆସିଥିବା ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ମଙ୍ଗଳବାର ହଠାତ୍ ଝାରସୁଗୁଡା ରେଳ ଷ୍ଟେସନରେ ପହଞ୍ଚି ଥିଲେ। ଷ୍ଟେସନରେ ପହଂଚି ଦୀର୍ଘ ସମୟ ଯାଞ୍ଚ କରିଥିଲେ। ଏହି ସମୟରେ ରେଳ ମନ୍ତ୍ରୀ ଷ୍ଟେସନର ପରିଷ୍କାର ପରିଚ୍ଛନ୍ନତା ଉପରେ ନଜର ରଖିଥିଲେ। ସେ ଷ୍ଟେସନରେ ଉପସ୍ଥିତ ଥିବା ଲୋକ ଏବଂ କର୍ମଚାରୀଙ୍କ ସହ ଟ୍ରେନ୍ ଚଳାଚଳ ବିଷୟରେ ମଧ୍ୟ ଆଲୋଚନା କରିଥିଲେ। ଏହାପରେ ସେ ନିଜେ ଷ୍ଟେସନ ପରିସରରେ ଥିବା ଏକ ଷ୍ଟଲରେ ଚା ’ପିଇଥିଲେ। ସେ ଚା ଏବଂ ବିସ୍କୁଟ ନେଇଥିଲେ। ଷ୍ଟେସନ ଦେଇ ଯାଉଥିବା ଟ୍ରେନଗୁଡିକ ବିଷୟରେ ସେ ଷ୍ଟଲମ୍ୟାନମାନଙ୍କୁ ମଧ୍ୟ ପଚାରିଥିଲେ। ତାଙ୍କ ସହିତ ଅଧିକାରୀଙ୍କ ଏକ ଟିମ୍ ମଧ୍ୟ ଉପସ୍ଥିତ ଥିଲେ। ସେ ମଧ୍ୟ ସେମାନଙ୍କ ମଧ୍ୟରେ ବିସ୍କୁଟ ଦେଇଥିଲେ।
ତାଙ୍କର ଏହି ଯାତ୍ରା ସମୟରେ ସେ ହଠାତ୍ ଷ୍ଟେସନର କଣ୍ଟ୍ରୋଲ୍ ରୁମରେ ମଧ୍ୟ ପହଞ୍ଚିଥିଲେ। ଟ୍ରେନ୍ ଚଳାଚଳ ବିଷୟରେ ସେଠାରେ ନିୟୋଜିତଥିବା କର୍ମଚାରୀଙ୍କୁ ପଚରାଉଚରା କରିଥିଲେ। ଏହା ପରେ ସେ ରେଳବାଇର ବରିଷ୍ଠ ଅଧିକାରୀଙ୍କ ସହ ଏକ ବୈଠକ କରି ଏଥିରେ ଥିବା ଅନେକ ବିଷୟ ଉପରେ ଆଲୋଚନା କରିଥିଲେ।
ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ଏହା ପୂର୍ବରୁ ହଠାତ୍ ଅନେକ ଷ୍ଟେସନରେ ପହଞ୍ଚିଛନ୍ତି। ସେ ହଠାତ୍ ଷ୍ଟେସନରେ ପହଞ୍ଚି ସେଠାରେ ଥିବା ବ୍ୟବସ୍ଥାର ସଂପର୍କରେ ବୁଝିଛନ୍ତି। ଚଳିତ ବର୍ଷ 19 ଅଗଷ୍ଟରେ ଭୁବନେଶ୍ୱର ଷ୍ଟେସନରେ ମଧ୍ୟ ଏପରି ଯାଂଚ କରିଥିଲେ।
