ନୂଆଦିଲ୍ଲୀ: 72 ଜଣ ସଦସ୍ୟଙ୍କୁ ଗୁରୁବାର ରାଜ୍ୟସଭା ବିଦାୟ ଦେଇଛି। ଏହି ତାଲିକାରେ ଓଡ଼ିଶାର ତିନି ଜଣ ସଦସ୍ୟ ପ୍ରସନ୍ନ ଆଚାର୍ଯ୍ୟ, ଭାସ୍କର ରାଓ ଓ ସସ୍ମିତ ପାତ୍ରଙ୍କ ନାମ ରହିଛି। ଏହି 72 ସାଂସଦଙ୍କ ମଧ୍ୟରେ 7 ଜଣ ମନୋନୀତ ସଦସ୍ୟ ମଧ୍ୟ ରହିଛନ୍ତି ।
ଅବସର ନେଇଥିବା ସଦସ୍ୟମାନେ 19ଟି ରାଜ୍ୟର ପ୍ରତିନିଧିତ୍ୱ କରୁଥିବା ବେଳେ ସେମାନଙ୍କ ମଧ୍ୟରୁ କିଛି ସଦସ୍ୟ ପାଞ୍ଚ ଥର କାର୍ଯ୍ୟକାଳର ଅଭିଜ୍ଞତା ରହିଛି। ଏହି ତାଲିକାରେ ଏ କେ ଆଣ୍ଟୋନୀ, ଅମ୍ବିକା ସୋନି, ପି ଚିଦାମ୍ବରମ, ଆନନ୍ଦ ଶର୍ମା, ଜୟରାମ ରମେଶ, ସୁରେଶ ପ୍ରଭୁ, ପ୍ରଫୁଲ୍ଲ ପଟେଲ, ସୁବ୍ରମଣ୍ୟମ ସ୍ୱାମୀ, ସଞ୍ଜୟ ରାଉତ, ନରେଶ ଗୁଜରାଲ, ସତୀଶ ଚନ୍ଦ୍ର ମିଶ୍ର, ଏମ ସି ମେରିକମ୍, ସ୍ୱପ୍ନା ଦାସଗୁପ୍ତା ଓ ନରେନ୍ଦ୍ର ଯାଦବଙ୍କ ନାମ ମଧ୍ୟ ରହିଛି।
ବିଦାୟୀ ସଦସ୍ୟମାନଙ୍କ ସହ ଆଲୋଚନା କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେମାନଙ୍କୁ ଅନୁରୋଧ କରିଥିଲେ ଯେ ସେମାନେ ଲୋକଙ୍କ ହିତ ପାଇଁ ସଦନରେ ହାସଲ କରିଥିବା ଅଭିଜ୍ଞତାକୁ ଦେଶ ଆଗକୁ ନେବ ଏବଂ ଆଗାମୀ ପିଢ଼ିକୁ ପ୍ରେରଣା ଦେବାରେ ସହାୟତା କରିବା ଉଚିତ । ପ୍ରଧାନମନ୍ତ୍ରୀ ତାଙ୍କ ଅଭିଭାଭାଷଣରେ ଗୁରୁତ୍ୱାରୋପ କରିଥିଲେ ଯେ ଜ୍ଞାନ ଅପେକ୍ଷା ଅଭିଜ୍ଞତାରେ ଅଧିକ ଶକ୍ତି ରହିଛି ଏବଂ ସାଂସଦମାନେ ଏହାକୁ ଦେଶର ସେବାରେ ଆଗେଇ ନେବା ଉଚିତ।
ଯେଉଁମାନେ ଅବସର ନେଉଛନ୍ତି ସେମାନଙ୍କୁ ଶୁଭେଚ୍ଛା ଜଣାଇ ଗୃହକୁ “ପୁଣିଥରେ ଆସ” ବୋଲି କହିଥିଲେ ମୋଦୀ। ସେ ମଧ୍ୟ ସେମାନଙ୍କ ଅନୁଭୂତି ଓ ଅବଦାନକୁ ଉଲ୍ଲେଖ କରିବା ଆବଶ୍ୟକ ବୋଲି କହିଥିଲେ। ଏହି ବିଦାୟୀ ସାଂସଦ ମାନେ ପୁଣିଥରେ ସଂସଦକୁ ଆସିବେ ବୋଲି ସେ ଆଶା ପ୍ରକାଶ କରିଛନ୍ତି । ରାଜ୍ୟସଭା ଅଧ୍ୟକ୍ଷ ଏମ୍ ଭେଙ୍କେୟା ନାଇଡୁ ମଧ୍ୟ ବିଦାୟୀ ସାଂସଦମାନଙ୍କୁ ପ୍ରଶଂସା କରିଥିଲେ।
